إشكي مني - للشاعر مصطفى هاشم

إشكي مني

لو في قلبك حاجة منى مزعلاك
أشكي مني لقلبي وانا هوقف معاك
***
بس ما تسيبنيش افكر فيك ومالك
وانت عارف قد أيه برضا برضاك
***
ليه تعذبني ببــــــعدك والسكوت
وانت عارف أني من غيرك أموت
***
تعالى واشكي مني ليا أو عاتبني
وان لقيت الحق عندي الف مرة فيه حاسبني
***
مقدرش على بعدك حبيبي ولا الخصام
ولا عمري هقدر ازعلك ولا في المنام
***
مانتى عارفه مصطفاكي . قد أيه عاشق هواكي
يتمنى لو طير في سماكي . أو قصيدة تنول رضاكي
***
نفسى اكونلك ابتسامة . تنور الوجه الجميل
نفسى أكونلك غنوتك . تسمعيها في كل ليل
***
عايز اكونلك كل حاجة بتعشقيها
عايز اكونلك صورة أنتي بترسميها
***
بحبك قد ما تتخيلي . تتخيلي أكتر بحبك
بحبك قد ما قال البشر كلمة بحبك أكتر بحبك