حال عبد الله
اجتماعية
عبد الله كبر وعدى العشرين
سافر الغربة وغاب سناتين
كان ليل ونهار شغال مسكين
كرمة المولى وجاب قرشين
فرحت امه وابوه لتنين
وقالوا عبد الله دا سبع ومتين
جات خالته تفيدة وعمه حسين
جايين بزايرة فى كرتونتين
عيش وسكر وسمن وتين
ونقلوا لعبد الله سلام ياسمين
بنت تفيدة وعمه حسين
بانة الرؤيه وليه جايين
خادوها ودودودود قول ساعتين
ما بين عبد الله عشان ياسمين
قال عبد الله دول قرشين
لو بنوا اوضه وجابوا عنزين
يبقى كويس واهوا عايشين
قالوا بلا اوضه وبلا عنزين
غيرك خلف واد وبتين
انت الاكبر ولا امين
ولده هناك يعلب فى الطين
قال اعطونى فرصة قالوا اسفين
اتجوز وكمل نص الدين
خطة ونجحت من ناصحين
خالته تفيده وعمه حسين
وقالوا الدكله يوم لاتنين
زغرتوا يالله ودنيا ودين
وادى عبد الله خد ياسمين
قضى معاها قول شهرين
كانت ديونه عدت الفين
ده وغير مصريفه بيقي ببتين
بيت ابوه وامه وبيت ياسمين
قال عبد الله دي سنين طين
لا بيه اهلى ولا ياسمين
ولا اللى عليه للدكاكين
جاتله تفيده وعمه حسين
ليه ماسفرتش يا بوز البين ؟
قال ضمرتونى انتم لتنين
منكم لله رب العالمين
سافر الغربة وغابله يومين
جاله فلان وراه بجوابين
مبروك بسرعة ابعت قرشين
مراتك حامل وفــ شهرين
والدكتور قال حبايتين
بعد الاكل واكل سمين
ده جواب مرته من الاتنين
وجواب ابوه فى سطرين
يا عبد الله ابعت قرشين
امك عيانه ودكتورتين
كشفوا عليها وقالوا ضنين ؟
لازم عملية فى قصر العين
بكى عبد الله ودمع العين
نازل على خده تقول سكاكين
قطع قلبى وقال بعدين
وده مش عبد الله دا قول ملاين
عايشة فى مصر ومش عايشين
اسمها ناس وبنى ادمين
سكنوا الغربة واهم صابرين
على امل فى بكري ومش عارفين
بكرى معاهم ولا عليهم ولا لمين
وادى حال عبد الله وحال ملاين
عاشوا وماتوا ولا فاهمين
ليه من اصله كانوا عايشين
؟؟؟؟؟؟