سيف الجبانه ملوش حد
ولاعمره كادالاعادى متقولش خصمى مفيش حد
لازم فى دهرك تعادى قلبى لحبك فتح باب
وانت ولاانت مبالى
ياماكام قبلك فات احباب
وداوت جروحه الليالى
توعدنى بجيش وتغيب
ولمااحاسبك تلومنى
وازاى انااعلم الغيب
حاضر وغايب ظالمنى
خلى الكرامه فوق المال
تفضل حياتك نضيفه
داالحرلوحظه يوم مال
ياكل بايده الشريفه
صاحبك ان مدلك باع
افرد لوده باعينك
وان شفته للود يوم باع
اوعى تشوفه بعينك
سفن الحبايب جيه تهم :studyفارده القلوع فالعلالى:
قول العوازل دا ميهم
اذا كان زمانى صفالى
على بابى وفرشت الافراح
مستنى خلى ماجانى
قيدنى بوعوده لما راح
وكانى فالحب جانى
مر القرايب تعبنا
واحنا ملينا فى اذاهم
وربك يعوض تعبنا
ع اللى عملنا معاهم
تعلب ينصح الديب
ظلم الضعيف هد حيلك
صيد الغزاله عليك عيب
قله دا من قصر ديلك
صيد العصارى ندهلى
رحت فشباكى وغويته
خلانى انسى نداهلى
اتاريه غوينى وغويته
وخلعت للدنيا ميت توب
وبرضه منلتش رضاها
كام مره انا قولت راح اتوب
وارجع اسير فى هواها
وكى القرايب بقى جرح
وحير علاجه طبيبى
عايش على الهم بلا جرح
مالى نصيب فى نصيبى
كلام العوازل مضغناه
وشربنا فوقه المراره
وشفنا اللى مضى غناه
اهله باعوه بالخساره
لاتقلى ولا كان ولاكنت
ولا اصل حدش وصله
واوعاك تعمل عليه كنت
اصل الفتى ماحصله
دا الناس دول صنفين
للود شارى وبايع
ورينى بس اللى صان فين
داالمكرفيهم طبايع