من ارشيف اكتوبر جواب

ابويا الغالى باكتب لك بدون تفاصيل ومش هسال عن الزرعه ولا الغلة ولا المحاصيل لان الوقت غير عندك ماهوش قعده ولا لمه وقول مواويل حداى الكلمه مش ليه حدايى الكلمه للمدفع وللرشاش ودول لو قالو بيقولوا كلام واعر وشرحه طويل تاريخ رسالتى يوم سته وبالتحديد وكان الفجر قام يغزل على الضفه خيوط النصر ساعتها والسما صافيه وقربنا لساعة الصفر وساعة الصفر مش ساعه كساعة الجيب ماكنت فاكرها كيف ساعتك وبتاخر يومين فاليوم وليل ونهار وانا صاحى وابعد عن عيونى النوم ومستنى تدق فيوم اتارى الدقه مش دقه دا فجر بيفرش الدنيا ودقت يابابعد الضهر وقلنا ياطاهره بسم الله لقينا العصرفوق سينا بيتوضا ولون الميه كان فضه ومستنى ولاده السمر عشان كله يصلى معاه وعدينا وصلينا يابوى صايمين وعدت مصر ويانا وقدامنا كانت تفرش بساط اخضر وبتجهز لكل ولادها فى فرحه طعام الافطار[center]