حبها كان تمثلية - بقلم . مصطفى هاشم

حبيبتي قالت انسى حبي
كل ده كان تمثلية
***
,
بقى كل ده كان تمثلية ؟
لا حقيقي بجد كنتي ميه ميه
لعبتي دور انك حبيبتي
وانك البنت الوفية
***
,
قدرتي فعلاً تخدعيني برقتك
لأني طيب كنت أصدق دمعتك
خلتيني أنسى طريقي
وامشي أعمى في سكتك
كنت بفرح
لما أشوف في عنيك فرحة
والدنيا تضحك لما بسمع ضحكتك
كنت أحاول ارسم البسمة في شفيفك
لو شعرت انه هتنزل دمعتك
***
,
ازاي قدرتي ترسمي دور الوفية
وتمثلي دور الحبيبة
اللى دايبة حب فيا
لما ابص فى عينها تسرح
وتنتهي في لمست إدييا
واما اقول يا حبيبتي تفرح
تقولى وانت يا نور عنيه
وان عدي يوم من غير ما اشوفها
تتصل وتلوم عليا
***
,
يا نهار ابيض ع الخداع
كل دا كان تمثلية
***
,
المشاعر والعواطف
والكلام اللى في شفيفك
والهدية قصاد هدية
كل دا كان تمثلية
***
,
انا كنت بحلم ولا صاحي
ولا دي الكاميرا الخفية
كل دا كان لعب بيا
لا حقيقي بجد هايلة
كنتى نجمة في تمثلية

, , , ,
, , ,
,

حبها كان تمثلية - بقلم . مصطفى هاشم Fful1x10