من ابداعات الشاعر المرحوم:أبو الوفا طه أحمدأنشودة عامية بعنوان
(غنى لمصــر)
غنى معــايا ياواد عمـى على حب مصر اللى فى دمى
غذتنى من نيلــهاالصافى وترابهاشلته على اكتافى
وشمسها تقولى عـــوافـى ياما الأصيلة شـالت همـى
وغنى معايا يا واد عمى
غنيـلها مـــوال ويـايا دى مصــر أرضى وسمــايا
تقولى مصر أقـــولك أه دى حروفها سكنت جوايــا
هي أبويا وهي أمـــى وبروحى أفــديهاودمـــى
وغنى معايا ياواد عمى
احناالصعايدة ولاد النيل بنحــب مصر حب نبيـــل
أم الحضارة والأهــــرام فى عروقنايجرى نهرالنيل
ياسلام على اديها الحلوة لماتمــدهـا وتسمــــى
وغنى معايا يا وادعمى
عمرالصعيدى ما يعرف غش ومع الضيوف يفرح ويـبش
يصونها ويصـون أسرارها لوحدسأله يقول ماخبـرش
سر البــلد لازم نصونه
وغنى معايا يا واد عمى
........................................................................وهذه الأنشودة تدل على الوطنية الصادقة لهذا الشاعر والموهبة التى لاحدود لها فهو يستطيع كتابة القصيدة الفصحى وأيضا العامية الوطنية والرومانسية رحم الله هذا الشاعر المخلص .
أخوكم: فاروق الحضرى (القاهرة) فى 26 أغسطس عام2010م
ت 0178090717
الأربعاء أغسطس 25, 2010 8:23 pm