الحب والشوق والمشاعر
كلام كتير عنهم قالوه
ولسه يامه تقول يا شاعر
واكتب يا شاعر
***
اكتب عن العشاق وفسر
عن قلب حب
وقلب لما اشتاق تكسر
اكتب يا شاعر
عن المشاعر
***
واكتب عن اللي قلبه قاسي
واللى ديما حبه ناسي
واكتب عن اللى مجروحين
فى الحب من عدت سنين
واكتب عن الشوق والحنين
واكتب يا شاعر
***
انت الوحيد تقدر تعبر
أذن وكبر
ونادى كل الغفلانين
الله اكبر الله اكبر
اذن وخلى الحب يكبر
أذن يا شاعر
***
أذن ونادي كل تايه عن طريقة
ورجع التايه لأهله
ورجع للعاشق حبيبه
وكل مجروح داوى جرحه
وبكلمة حلوة كن طبيبه
واكتب يا شاعر
***
اكتب وخلي الحبر ينزف على السطور
كل القوافي بين إديك
اكتب وعوم سبعة بحور
الحروف هى سلاحك
فيها فسادك او صلاحك
اكتب ودافع عن مكانك
وعن كل قلب اخلص وصانك
واكتب عن اللى فى يوم خانوك
وفى لحظة باعوا ولا اشتروك
وعن اللي حطموا فيك مشاعر
اكتب يا شاعر
***
اكتب ومتخافشى
دانت كتير تمشى
فى طريق ومتعودشى
الا من غير مشاعر
اكتب اكتب ياشاعر
***
اكتب عنى وعنك
إكتب يا شاعر
اكتب بحروف كتيرة
عندك مليون وسيلة
تنقل فيها المشاعر
اوعى تسكت يا شاعر
ارجوك تكتب يا شاعر
الإثنين أبريل 12, 2010 5:31 am