حفلة زفــــــــــــاف

حفلة زفاف وناس كتير متجمعين

حفلة زفاف ويا ترى هيزفوا مين

انوار كتير متعلقة

وشموع وفرح ومبسوطين

ناس تهني وناس تغني

وناس بتسأل عرس مين

وانا لسة جي من السفر

محتار وبسأل زيهم

العريس قالوا فلان

والعروسة الكل عنى مخبيين

احترت ليه بيخبوا عني

حتى المغنى لما شافنى

حول الغنوة لأنين

اتفاجئت بإسمها

مكتوب في دعوة فرحها

كان مسكه طفل

من اطفال المدعويين

جريت بسرعة في الفرح

انسان حزين انسان حزين

ما بين جموع الفرحنين

المكان ده كان مكانى

والبنت دي لسه فـ كياني

وقف يا مأزون الكتاب

لسه ما بينا في حساب

البنت دى بتحبيني وبحبها

فى شرع مين ويرضي مين

غيري يكون مكتوب لها

البنت بصتلي وبكت

ودموعها غسلت خدها

الكتاب كان اتكتب

واللى انكتب مكتوب لها

وانتهى زمن المشاعر

وحلفت مأعشق بعدها

كانت امالى وذكرياتي

انتهت يوم فرحها

هفضل وحيد من غير حبيب

الحب كله فـ دربها

واي واحده بعدك انتى

ممكن انطق اسمها

قلبي ما فتحش الا ليها

وتقـفل على حبـــها

وكل عمرى كان عشانها

وانتهى يوم حفلها

والنهردة حياتي موت

لأنى ميت حبها